09 juillet 2009
Ò mon País
Aquesta vegada es una canta bearnesa pro esmoventa, un dialòg entre una pastora demorada fidèla al país e gojats que son partits a la vila.
- Ò mon país que t'an tots quitat,
Qu'an preferat la vila
Aqueths garçons tant envejós.
- Qu'avem trobat richessa,
Ça-i donc tanben princessa.
- Nani mossur, qu'aurèi gran degrèu
De deishar mas aulhetas,
Tant que viurèi, las guardarèi.
- De montanhar enqüèra
No's hè pas mei bergèra.
- Que harèi jo shens mon cujalar
Tot cobrit de verdura ?
Si'm cau partir, lèu vòi morir
!
- Tant pis per tu la bèla
Demora t'i fidèla.
paraulas : G. Sanchette / musica : J-C. Coudouy
interpretacion : Lambrusquera, Los de Broussez, Balaguèra
Tornar trobar la canta sul CD "Cantem ! Òc !" editat per la manifestacion del 24 d'octobre de 2009 a Carcassona.
02 mai 2009
Big Beñat
Una cançon de Fermin Muguruza que m'agrada fòrça. Era per sostenir la korrika de 2001. Gora Euskal Herria !
16 décembre 2007
Libertat !
Aquesta cançon l'aviái descubèrta mercés al blog de Vagamonda que fa un ligam cap al site del CREO ont se pòt escotar tanben. I trobaretz tanben entresenhas mai.
Vaquí la version "karaoke", pescada sus YouTube, com de costuma. Tròbi la musica particularament esmoventa. Òsca a Manu Théron d'aver sabut tant plan s'adapar a las paraulas !
11 décembre 2007
Lo mes de mai
L'interpretacion fòrça tonica per Lou Seriol de la cançon tradicionala plan coneissuda. Lo montatge es plan fach tanben.
Lo site de Lou Seriol sus MySpace per escotar d'autres tròces.
06 décembre 2007
Sèm encara aicí !
Un montatge fòrça plan fach sus una musica de Lou Dalfin. Òsca a l'autor !
15 septembre 2007
Vira vira
Una cançon de Lou Seriòl, grop occitan de las Valadas, ambe en prima una video de la manifestacion de Besièrs per la lenga occitana... o lo contrari.
Mercés a Anaram au patac e Hartèra.
Per signar la peticion de Hartèra sus la senhaletica bilingua a Pau :
http://www.hartera.org/petition/php/index.php
www.anaram.org
www.hartera.org
09 août 2007
Aqueras montanhas
L’imne occitan, en version gascona, puèi que sembla que venga de Bearn. La legenda l’atribuís a Gaston Febus. Per ne saber mai, aicí una pagina interessanta que dona un fum d'informacions sus la cançon : ligam
Aqueras montanhas
Qui tan hautas son
M’empachan de véder
Mas amors on son.
Se canti, jo que canti
Canti pas per jo
Canti per ma mia
Qui ei auprès de jo.
Si sabí las véder
On las rencontrar
Passarí l’aigueta
Shens paur de’m negar.
repic
Hautas, be’n son hautas !
Mes s’abaisharàn
E mas amoretas
Que pareisheràn.
repic
Coblets addicionals :
Devath ma frinèsta
Que i a un auseron.
Tota la nueit canta
canta sa cançon.
Las pomas son maduras,
Las cau amassar.
Las joenas gojatas,
Las cau maridar.
Baishatz-vos montanhas,
Planas haussatz-vos
Tà que posqui véder
On son mas amors.
Tirat de André Hourcade, Anthologie de la chanson béarnaise, Monhélios, 2006.
